विचारायचं असलेलं सगळं.

नाही. रोख तुमच्या हातात, आणि UPI थेट तुमच्या खात्यात. CloudMess फक्त नोंद ठेवतं; पैसे कधीच आमच्यामार्फत जात नाहीत.

सदस्यांना रोज काहीच करायचं नसतं — फक्त जेवणाआधी QR स्कॅन. उद्या येणार नसतील तर रात्री ॲपमध्ये सांगायचं. सदस्यांचं ॲप Google Play वर मोफत आहे.

सेटअप आम्ही तुमच्यासोबत बसून करतो. नंतर रोज एकच स्क्रीन पाहायची — मेसेज पाहिल्यासारखी.

छापील QR असेल तर सदस्याचा स्कॅन फोनमध्येच साठवला जातो आणि नेट आलं की नोंद होते. मालकाच्या ॲपला मात्र नेट लागतं.

सध्या पायलट सुरू आहे, म्हणून मोफत. किंमत ठरेल तेव्हा ती आधी स्पष्ट सांगू; त्यानंतर पुढे जायचं की नाही, ते तुम्ही ठरवा.

नाही. प्रत्येक मेसचा डेटा वेगळा आहे — ॲप दाखवत नाही म्हणून नाही, तर सर्व्हरच दुसऱ्या मेसला परवानगी देत नाही.

तुमचा 6 अक्षरी मेस कोड ते ॲपमध्ये टाकतात, आणि तुम्ही मंजूर केलं की त्यांचा प्लॅन सुरू होतो. किंवा त्यांचा नंबर तुम्ही आधीच जोडू शकता; मग त्यांना कोडही लागत नाही.

मालकांचं ॲप (फोनवर त्याचं नाव “CM Owner” असतं) आम्ही सेटअप भेटीत तुमच्या फोनवर इन्स्टॉल करून देतो, आणि तुमचं खातंही तेव्हाच तयार करतो. त्यासाठी WhatsApp वर “Hii” पाठवा.

हो. टिफिन सदस्यांना स्कॅन करायची गरज नसते. रोज रात्रीच दुसऱ्या दिवसाची टिफिनची यादी तयार होते — जे “नाही” म्हणाले, त्यांना वगळून — आणि पॅक झाला, पाठवला हे तुम्ही ॲपमध्ये मार्क करता. पाठवलेला टिफिन त्या सदस्याचं जेवण म्हणून मोजला जातो.

20 सदस्य असले तरी हिशोब तोच. उलट, लहान मेसला एक बुडलेली उधारीसुद्धा जास्त जाणवते.

तुमच्या मेसचा डेटा दुसऱ्या मेसला दिसत नाही, आणि सदस्यांना एकमेकांचे फोन नंबर दिसत नाहीत. मुख्य डेटाबेस भारतात, मुंबईत आहे. आम्ही डेटा विकत नाही आणि जाहिरातींसाठी वापरत नाही. सविस्तर: Privacy Policy.

सध्या फक्त Android फोनवर (साधारण 2018 नंतरचे फोन).

पैसे गोळा करत नाही — पैसे थेट तुमच्याकडे येतात. SMS किंवा WhatsApp वर सूचना पाठवत नाही; सूचना ॲपमध्ये येतात. iPhone ॲप नाही, आणि कर्मचाऱ्यांसाठी वेगळं लॉगिन नाही. हे आधीच सांगितलेलं बरं, म्हणजे नंतर आश्चर्य नको.

Google Play वर “CloudMess” शोधा, किंवा या पानावरच्या Google Play बटणावर टॅप करा. सदस्यांसाठी मोफत. Android फोनवर चालतं (साधारण 2018 नंतरचे फोन).

मोबाईल नंबर आणि OTP ने लॉगिन करा, तुमचं नाव टाका, आणि मेस मालकांनी दिलेला 6 अक्षरी मेस कोड टाका. मालकांनी मंजूर केलं की तुम्ही आत. मालकांनी तुमचा नंबर आधीच जोडला असेल, तर कोडही लागत नाही.

उद्या जेवणार नसाल, तेव्हा संध्याकाळी ॲपमध्ये सांगा — एवढंच. उत्तर न देणाऱ्यांना कसं मोजायचं, ते तुमची मेस ठरवते; शंका असेल तर मेस मालकांना विचारा. एक वेळच्या Flexible प्लॅनवर काही सांगायचं नसतं — आल्यावर फक्त स्कॅन करा.

मेस मालक तुमचं जेवण हातानं नोंदवू शकतात, आणि ती नोंद तुमच्या ॲपमध्ये दिसते.

ॲपमधून सुट्टीची विनंती करा. मालकांनी मंजूर केली की तुमचा प्लॅन थांबतो. परत आल्यावर मालक प्लॅन पुन्हा सुरू करतात, आणि मेसच्या नियमानुसार दिवस प्लॅनमध्ये जोडले जातात.

नाही. मेसने ॲपमध्ये पूर्ण दिवस बंद जाहीर केला, तर तो दिवस तुमच्या प्लॅनमध्ये आपोआप जोडला जातो.

मेसने UPI ID दिला असेल, तर ॲपमधून थेट तुमचं UPI ॲप उघडतं आणि पैसे थेट मेसला जातात. मालकांनी पैसे नोंदवले की तुम्हाला पावती मिळते. CloudMess पैसे हाताळत नाही.

हो, मेसने पार्सल चालू ठेवले असतील तर. पार्सल मागा आणि “मित्राला पाठवा” वापरा; मित्र कोड दाखवून पार्सल घेतो.

नाही. इतर सदस्यांना तुमचा नंबर दिसत नाही. आम्ही डेटा विकत नाही.

आधी नेट चालू करून जुनं ॲप एकदा उघडा, म्हणजे नेट नसताना केलेले स्कॅन पाठवले जातील. मग Google Play ते ॲप अपडेट करू शकलं नाही, तर ते काढून टाका, Google Play वरून CloudMess पुन्हा इन्स्टॉल करा आणि त्याच नंबरने लॉगिन करा. तुमची जेवणं आणि पैशांची नोंद सर्व्हरवर असते.

CloudMess फक्त 18 किंवा त्याहून जास्त वयाच्या लोकांसाठी आहे. 18 पेक्षा कमी वय असेल तर ॲपवर खातं उघडू नका; मेस मालकांना तुमची नोंद CloudMess बाहेर (उदा. वहीत) ठेवायला सांगा.

ॲपमध्ये Profile & Settings मध्ये “माझं account delete करा” आहे, किंवा cloudmess.in/delete-account वरची पद्धत वापरा. लॉगिनची गरज नाही; 30 दिवसांत काम पूर्ण होतं.